Covid-19.corsica
Vince contr’à u Covid-19

#Stateattenti

Eiu sò

Sò capimpresa

Sò rispunsevuli di un associu o di una ESS

Sò un pretendente à Aiutu #InCasa

  U dettu di u Presidente

Benvenutu nant’à u purtone covid-19.corsica

St’arnese hà trè funzione principale.

Hè statu cuncipitu prima di tuttu per arricà, in modu semplice è rapidu, risposte cuncrete à i bisogni d’infurmazione di i particulari, di e famiglie è di tutti l’attori ecunomichi è suciali.

Andendu nantu à u purtone, truverete tutti i dispusitivi d’aiutu è di sustegnu messi in anda, i numari di i servizii da cuntattà è una guida d’infurmazione in quantu à e dimarchje da fà sicondu u prublema ch’è vo pudete scuntrà.

U sicondu scopu di u purtone d’infurmazione “Vince contr’à u Covid-19” hè di permette à i Corsi d’esse infurmati ogni ghjornu in quantu à l’azzione cundutta da a so istituzione, a Cullettività di Corsica, contr’à l’epidemia : azzione sanitaria, ecunomica, ligame suciale, sulidarità, sustegnu à e strutture medicale è à i so persunali, azzione à prò di e persone più in difficultà è più vulnerevule, articulazione cù e pulitiche di u Statu è quelle messe in opera da e cumune è da l’intercumunalità.

U nostru impegnu hè assulutu. Si stende à tutti i duminii di cumpetenza di a Cullettività di Corsica, è ancu al di là, postu chì a salute è altri interessi fundamentali di u nostru populu sò in ballu.

Per indettu, a Cullettività di Corsica hà dunque decisu di cumprà 2 millioni di mascare, ben ch’ella ùn sia in e so attribuzione di falla. A necessità di prutege i nostri persunali di cura è a pupulazione ci hà purtatu à andà al di là di ciò chì i testi privedenu.

Infine, u terzu scopu di a creazione di sta piattaforma hè di mette in risaltu a mubilizazione di i Corsi di l’isula quant’è quelli di a spalluzzera è di tutta a nostra sucetà, in issa lotta contr’à l’epidemia.

Di sicuru, pensu dinù è prima di tuttu, cum’è ognunu di noi, à l’impegnu eccezziunale di l’inseme di i persunali di cura, ch’ella sia in u serviziu publicu o in u settore privatu è liberale.

Ma ancu à tante iniziative vostre, in tutti i settori è tutti i duminii, chì dimostranu e qualità cullettive chì u nostru populu n’hà sempre sapiutu fà a prova in i mumenti più difficiuli di a so storia : curagiu, generusità, sulidarità è capacità à mubilizassi da fà fronte à l’avversità.

Issa terza parte hà da esse arricchita è cumpletata strada facendu.

DI fatti, u purtone ” Vince contr’à u Covid-19″ hà vucazione, di sicuru, à migliurassi, ma ci hè parsu di primura assai di fallu viaghjà subitu, à cuntà da oghje.

V’invitu dunque à scoprelu, sperendu ch’ellu rispondi à e vostre primure è ch’ellu arrechi ancu di più forza à a nostra lotta cullettiva contr’à u Covid-19, ch’è no vinceremu.

Curagiu è forza à tutte è à tutti.

Emu da vince. Inseme.

Gilles SIMEONI
Presidente di u Cunsigliu esecutivu di a Corsica

Iniziativi – u purtonu de l’opari sulidarii

A Cullettività di Corsica sempre à fianc’à voi

Centru di pianificazione CPEF

PMI

L’ultimi dati – Données ARS de Corse du 19 Mai 2020

Ogni ghjornu, i dati di i laburatorii uspitalieri è in cità 

Pumonte Cismonte Total
Nbre de prélèvements (ville + hôpital) 119 45 164
dont test positifs 0 0 0
dont nouveaux cas 0 0 0

Dati uspitalizazione

CH Aiacciu CH Bastia Total
Hospitalisations conventionnelles 6 4 10
Réanimation et soins intensifs 2 2 4
Retour domicile (cumul depuis le début de l’épidemie) 112 102 214

Morti dapoi u principiu di l’epidemia  : 72

Cuntendu :

  • 59 morti à l’ospidale (+1)
  • 13 morti in EHPAD 

Cuntattà ci